Papà

Arrigo Guardigli (19.7.1937 - 25.5.2019)
 

A e mi Bab


Nenca te, e mi Bab
t'at avej
e in sti de che piov sempar
tsi ariv in te fond de cavdel.

Aiai aiai, aj ho det,
"boia d'un mond d'ledar"
coma t'givta te
e um's è rot qualquel in dentar a e cor.

Incù a so armast a guarder piovar,
coma un invurnì,
cun cal do castegn mati in tal man
ch a jo truvè in tla bisaca d'e tu capot.

E sta not am so svigiè
ch'um pareva ad sintì qvicadon bisighè in tla porta,
e an so ste piò bon ad durmì
pinsend a tot quel t'e fat par me e par mi fradel.

Te tsi quel ch’us ha insignè tanti cos,
mo che un gn'era quasi mai
e nenc che quand ch’uj era
un badeva miga tant.

Am arcord ad quand a zughema a zachegn,
ad quand a vulema l'aquilon,
al cavariol che t'am fasivta fe in te let,
e gl'instè quand ch'andema a cojar al mori in pgneda.

Ma tot stal parol, aln cota gnit,
spersi coma l'acva in tl'acva
in cunfront a cl'etra sera, in t'e bsdel
ch'a jo stret la tu man par l'utma volta.

At salut, Bab,
E am aracmand, saludam tant la mama
che a so sicur ch'lat te da ste'
lasò in te zil.


Marco
27.5.2019